MIILI YA ASKARI WA JWATZ WALIOPOTEZA MAISHA DARFUR KUWASILI JUMAMOSI

Miili ya askari wa Jeshi la Ulinzi la Wananchi wa Watanzania (JWTZ) waliopoteza maisha Jimboni Darfur nchini Sudan kutokana na shambulizi la ghafla itawasili Jumamosi wiki hii kwa ndege maalum katika uwanja wa ndege wa Kimataifa wa Mwalimu Julius Kambarage Nyerere. Kwa mujibu wa taarifa iliyotolewa na Kurugenzi ya habari na uhusiano ya JWTZ imesema mapokezi ya miili hiyo yatafanyika katika uwanja huo wa ndege majira ya saa nne asubuhi.

Mara baada ya kuwasili miili hiyo itapelekwa katika hospitali ya rufaa ya Jeshi Lugalo na baadae utaratibu wa kuaga kwa heshima zote utatangazwa.